Pas humbjes së rëndë të Fenerbahçe në Hatayspor (tashmë i rënë nga kategoria), José Mourinho theksoi vështirësinë në motivimin e lojtarëve të tij për ndeshjet e fundit të një sezoni që tashmë ka disa javë që ka mbyllur matematikisht çdo llogari.
“Vetëm ata që nuk dinë nga futbolli nuk e dinë se çfarë do të thotë të jesh në fund të sezonit. Këto periudha janë të dhimbshme për skuadrat që nuk kanë më objektiva. Edhe sikur të kishim grumbulluar 12 pikë në katër ndeshjet e fundit, renditja nuk do të kishte ndryshuar“, tha Mourinho.
Portugezi pranoi se “ishte një humbje e rëndë”, por theksoi: “Njerëzit mendojnë se ne nuk vuajmë. Ata mendojnë se ne shkojmë në shtëpi pa u lënduar. Kjo nuk është e vërtetë. Lojtarët janë njerëz, ndonjëherë u mungon besimi dhe motivimi. Kështu ndodh kur humbim matematikisht kampionatet”.
Në ditën që shënoi 21 vjet që kur fitoi Champions League me Porto, Mourinho pësoi një nga humbjet më të këqija me Fenerbahçen, por u mbrojt… duke sulmuar: “Kam luajtur më shumë finale evropiane në shtatë vitet e fundit se sa ka parë futbolli turk në të gjithë historinë e tij
“Te Fenerbahçe ne luftuam për të hyrë në Champions League, por vjet në verë u eliminuam me penallti në fund. Do të luftojmë për t’u kualifikuar në fazën finale të Ligës së Kampionëve të ardhshëm. Kemi një raund paraprak dhe një play-off. Duhet të përgatitemi sa më mirë për këto ndeshje”, tha Mourinho.
Duke folur për të ardhmen ai tha: “Nuk kam thënë asgjë. Nuk kam asnjë kontakt me shtypin, nuk i zbuloj askujt takimet që kam me presidentin dhe bordin e administrimit. Para disa javësh presidenti më kërkoi të qëndroja, ai më beson. Kjo është ajo që kemi thënë publikisht. Nëse situata ka ndryshuar, unë nuk jam informuar“.
The post Mourinho u përgjigjet kritikëve: Kam më shumë finale në 7 vitet e fundit se sa futbolli turk në gjithë historinë e tij appeared first on Telesport.