Marc Casado do të largohet nga Barcelona gjatë këtyre ditëve të fundit të merkatos, pasi dihet që mesfushori difensiv nuk bën pjesë në projektin e Hansi Flick. Për mesfushorin 22-vjeçar është përfolur shumë kohët e fundit për një transferim drejt Arabisë Saudite, konkretisht tek Al-Hilal.
Megjithatë, lajmet e fundit tregojnë për një interes të shtuar të Leipzig. Sipas Fabrizio Romano dhe jo vetëm, klubi gjerman kohët e fundit ka kontaktuar Barcelonën për të pyetur rreth situatës së Marc Casado.
Katalanasit pretendojnë për një shifër 30-40 milionë euro për shitjen përfundimtare. Në anën tjetër, nuk përjashtohet mundësia që Leipzig të kërkojë huazimin me të drejtë ose detyrim blerjeje. Transferimi te Leipzig mund të jetë një lëvizje ideale për Casado-n, duke ditur zhvillimin dhe rritjen që ka ndodhur me shumë lojtarë të moshës së tij, kur janë transferuar te ky klub.
The post Një mundësi e re për Marc Casado, që mund të ndryshojë plotësisht karrierën e tij. Spanjolli nuk do të largohet nga Europa appeared first on Telesport.