Me fitoren e tij në Zandvoort në fund të një gare të luftuar fort, Lando Norris konfirmoi formën e shkëlqyer të tij dhe të makinës McLaren. Kampioni i botës shënoi fitoren e tij të dytë radhazi dhe rilançoi ambiciet e tij në luftën për titullin kampion bote, ku diferenca me Kimi Antonelli mbetet e madhe (83 pikë).
“Po i marr garat një e nga një. Tani për tani, nuk kam makinën që më duhet për të luftuar për titullin. E di që është një deklaratë e madhe, por pas vitit të kaluar, e di nivelin në të cilin mund të ngas dhe çfarë më duhet nga makina“, tha kampioni i botës në fuqi në Formula 1.
“Nëse mund të përmirësohemi në kthesat e ngadalta, jam i bindur se mund të fitojmë çdo garë këtë sezon. Përndryshe, bëhet shumë më e vështirë për t’u besuar te titulli. Gjithsesi, presim përditësimet e reja“, shtoi Lando Norris, që pak ditë më parë rinovoi kontratën me McLaren deri në vitin 2030.
The post Norris paralajmëron rivalët: Nëse përmirësohemi në kthesat e ngadalta, mund t’i fitoj të gjitha garat appeared first on Telesport.