Humbja e fundit e bardhezinjve në shtëpi 0-3 ndaj Lazio-s, e ka futur Juventusin në krizë dhe një pjesë e fajit, padyshim që bie mbi trajnerin Luciano Spalletti. Por, ka edhe nga ata që mendojnë që problemi i Juventusit buk qëndron te trajneri.
Gianluigi Buffon beson se Luciano Spalletti meriton kohë për të përmirësuar situatën te Juventusi dhe thekson se “problemi nuk mund të jetë vetëm trajneri, nëse brenda katër vitesh janë shkarkuar pesë të tillë”.
“Ndoshta nuk është Juventusi më i fortë që kemi parë ndonjëherë, por të heqësh Yildiz, Locatellin, Thuram, Ekhator, Milik dhe Grabara, është njëlloj sikur t’i heqësh Italisë lojtarë si Cannavaro, Buffon, Totti, Nesta dhe Pirlo. Ata duhet të rindërtojnë, por në fakt po hasin mungesa dhe dëmtimet e kanë përkeqësuar më shumë situatën. Luciano nuk kërkon kurrë justifikime, por duhet thënë se ai luajti vetëm tri ditë pas ndeshjes me Celta Vigo-n, pas një udhëtimi të gjatë dhe pasi u kthye në shtëpi në orën pesë të mëngjesit.
Nëse kam një shpresë, ajo është të shoh Spalletti-n të vazhdojë punën e tij deri në fund”, tha Buffon.
The post “Nuk e ka fajin Spalletti”, Buffon tregon ku qëndron problemi kryesor i Juventusit këtë sezon appeared first on Telesport.