Platformat e njohura të inteligjencës artificiale, ChatGPT dhe Codex, po përballen me pengesa teknike gjatë orëve të fundit.
Sipas një njoftimi zyrtar të lëshuar nga kompani zhvilluese OpenAI, është rekrutuar një rritje e nivelit të gabimeve (elevated errors) në funksionimin e këtyre dy shërbimeve kryesore.
Në njoftimin e tyre thuhet se incidenti po hetohet me prioritet:
“Jemi duke hetuar problemin për shërbimet e listuara,” bën të ditur paneli zyrtar i statusit të OpenAI, ndërsa pengesa raportohet të ketë nisur prej pak minutash dhe vazhdon të jetë aktive.
Cilat shërbime janë prekur?
Sipas të dhënave paraprake, problemet po ndikojnë në:
-
ChatGPT: Përdoruesit mund të përballen me përgjigje të ngadalta, pamundësi për të gjeneruar mesazhe apo shkëputje të papritura gjatë bisedës.
-
Codex: Platforma e dedikuar për ndihmën në shkrimin dhe modelimin e kodit kompjuterik gjithashtu po shfaq gabime të shpeshta teknike.
Sipas të dhënave të sistemit, inxhinierët e kompanisë janë duke punuar për identifikimin e shkakut rrënjësor dhe rikthimin e plotë të funksionalitetit. Deri më tani nuk është dhënë një afat i saktë se kur do të riparohet plotësisht sistemi, por përdoruesve u këshillohet të presin ose të rifreskojnë faqen pas pak minutash.
Kjo nuk është hera e parë që platformat e inteligjencës artificiale përballen me mbingarkesë apo probleme të serverëve, për shkak të numrit masiv të përdoruesve në shkallë globale.
The post Probleme teknike me ChatGPT dhe Codex: OpenAI njofton pengesa në shërbim appeared first on Alsat.