Inspektimet në qendrat e fertilitetit në Belgjikë kanë zbuluar shkelje serioze, përfshirë përdorimin e spermës nga donatorë të ndaluar, shkëmbimin e qelizave vezore midis pacientëve dhe mosrespektimin e limiteve ligjore për fertilizimin nga një individ. Raportet i përkasin inspektimeve të kryera nga Agjencia Federale për Shëndetësi, Mirëqenie dhe Sport midis viteve 2019-2025 në 46 qendrat belge të fertilitetit, raportojnë mediat belge.
Në një rast të vitit 2023
Në dy qendra të tjera u zbuluan raste të shkëmbimit të vezoreve mes pacienteve, përfshirë raste nga viti 2022 dhe 2024. Nuk dihet nëse gratë kanë lindur fëmijët. Gjithashtu, një donator danez ishte përdorur për të fekonduar mbi 50 gra, duke tejkaluar limitin ligjor prej 6 grash dhe duke pasur gjithashtu rrezik të shtuar gjenetik për kancer.
Inspektimet zbuluan edhe:
- Identifikim të gabuar: Në një rast, spermë ishte etiketuar gabimisht me emrin e një gruaje tjetër, por nuk u përdor.
- Pajisje jo sterile: Pipetat nuk sterilizoheshin pas çdo përdorimi, duke rrezikuar kontaminimin.
- Falsifikim dokumentesh: Një mjek pretendonte se fertilizimi ishte kryer në spital, ndërkohë që procedura ishte bërë në ordinancën e tij private, gjë që është e paligjshme.
- Praktika mashtruese: Janë raportuar raste mashtrimi nga specialistët e fertilitetit, për të cilat prokuroria ka nisur hetime.
Agjencia federale njofton se mungesa e personelit pengon inspektimet e plota dhe se procedurat ndonjëherë zgjaten vite. Ministri belg i Shëndetësisë, Frank Vandenbroucke, deklaroi se raportet tregojnë pakujdesi dhe i cilësoi këto shkelje si të papranueshme, duke kërkuar përgjegjësi nga qendrat e fertilitetit.