Gonçalo Ramos beson se ka fituar më shumë hapësirë te Portugalia, pasi ishte titullar në vend të Cristiano Ronaldos dhe shënoi golin vendimtar në fitoren 2-1 ndaj Norvegjisë, në ndeshjen e dytë të grupit A4 të “Nations League”. Sulmuesi i Milanit luajti 81 minuta dhe me një parabollë mbi portierin Nyland vendosi takimin:
“Shënimi i golit më jep gjithmonë besim, pavarësisht nëse jam titullar apo hyj nga stoli. Gjëja më e rëndësishme është të kem minuta dhe të ndiej se jam pjesë e skuadrës. Më shumë sesa të mendoj nëse jam apo jo në hije, dua të ndiej besimin e trajnerit dhe shokëve të skuadrës”.
I pyetur nëse paraqitja e kishte ndihmuar të fitonte hapësirë, Ramos u përgjigj: “Do të thoja, po. Ishte një paraqitje e mirë, shënova golin e fitores dhe skuadra fitoi në një fushë të vështirë. Ndoshta kjo është më shumë një pyetje për trajnerin, por mendoj se po”.
Për golin, ai shpjegoi: “Para pasimit të portierit, pashë mesfushorin pas meje dhe e dija se ata rrezikojnë shumë duke luajtur në qendër. Kur ndërpreva pasimin, gjëja e parë që më erdhi në mendje ishte parabolla, sepse portieri ishte jashtë pozicionit. Si sulmues, çdo gol të jep besim dhe motivim, por mbi të gjitha, shënova në një fitore”.
The post Ramos buzëqesh me Portugalinë: Goli im vulosi fitoren, kështu fitova më shumë hapësirë appeared first on Telesport.