Sipas raportimeve të ndryshme që vijnë nga Spanja, Real Madrid nuk mjaftohet vetëm me transferimin e Aleksander Arnold, Dean Hujisen, Franko Mastantuono dhe Alvaro Karreras. Për të forcuar akoma dhe më shumë ekipin, klubi madrilen ka në plan të bëjë edhe 3 goditje të mëdha këtë merkato, kosto e të cilave llogaritet 250 milionë euro.
Prioritet është Enzo Fernandez. Argjentinasi është mesfushori që Çabi Alonso është i bindur se do t’i sjellë ekipit ekuilibër dhe vizion në mesin e fushës, duke formuar një dyshe elitare me Tçouameni-n. Mbrojtja është gjithashtu në fokus pas problemeve të përsëritura në Kupën e Botës për Klube.
Real Madrid po ndjek prej kohësh Ibrahima Konate, francezit i mbaron kontrata vitin tjetër me Liverpullin, por ai mund të transferohet në Madrid që këtë verë. Liverpulli është i gatshëm të lejojë largimin e qendërmbrojtësit francez një vit para se t’i mbarojë kontrata, por vetëm nësë paguhet shifra 50 milionë euro.
Dhe së fundmi, dëshira e Alonso është një sulmues krahu për të plotësuar Franko Mastantuono-n. Rodrigo është jashtë planeve të Alonso-s, braziliani pritet të largohet, ndaj në Madrid po mendojnë për një anësor të ri.
The post Reali do të shpenzojë 250 milionë euro të tjera këtë merkato appeared first on Alsat.