Pikëpyetje serioze për Real Madridin dhe Francën. Vizita e fundit mjekësore e Kylian Mbappé konfirmoi një problem në gjurin e majtë, që nuk kërkon ndërhyrje kirurgjikale. Sidoqoftë, data e rikthimit të tij mbetet e panjohur, ndaj pjesëmarrja në turin e “Les Bleus” në SHBA, në fund të marsit, duket shumë e pasigurt.
Kjo pasiguri rëndon mbi një sezon që mund të jetë historik, ku ish-ylli i PSG synon të fitojë edhe individualisht. Me 38 gola dhe 6 asistime në 33 paraqitje, francezi ka kontribuar në pothuajse gjysmën e 87 golave të Realit, duke e tërhequr përpara skuadrën me shifra mbresëlënëse. Pa të, rendimenti ofensiv rrezikon rënie në momentet vendimtare të La Liga-s dhe para fazës së 1/8-ve në Champions.
Paradoksi është se çdo ditë mungese peshon edhe personalisht. Çdo ndeshje e humbur është një pjesë që mungon drejt Botërorit dhe “Topit të Artë”. Menaxhimi i rikuperimit bëhet thelbësor; trajtimi konservativ është “e keqja më e vogël”, me sfidat e mëdha përpara.
The post Shqetësim te Real Madridi dhe Franca, dëmtimi i Mbappe kushtëzon sezonin dhe Botërorin appeared first on Telesport.