Pas një debutimi fitues por jo plotësisht bindës ndaj Frosinone, ekipi i Juventus po përgatitet të hapë dyert për të pritur Parma në javën e dytë të Serie A. Trajneri Luciano Spalletti në prag të ndeshjes, bëri një pëembledhje të situatës.
Për lojtarët e padisponueshëm: “Yildiz është jashtë, dhe as Mckennie nuk do të jetë i disponueshëm për shkak të lodhjes. Thuram do të vlerësohet. Lucumi mund të fillojë, integrimi i tij po shkon shumë mirë. Nuk jemi me nxitim, por po e vlerësoj me kujdes.
Për menaxhimin e mungesave: “Ne po i përmbahemi idesë së futbollit që gjithmonë kemi propozuar. Ajo që është thelbësore është ruajtja e ekuilibrit dhe kjo duhet të gjendet ndërsa zhvillohet loja. Ne duhet të përshtatemi me rrjedhën e lojës për të gjetur një ekuilibër dinamik.
Për tregun e transferimeve: “Drejtuesit po punojnë shumë dhe do të vazhdojnë ta bëjnë këtë deri në fund. Ne duhet të pranojmë dhe respektojmë qasjen e klubit në tregun e transferimeve. Po flasim me Kessie, do të shohim nëse mund të shkojmë deri në fund, duke qenë një agjent i lirë, është më i qëndrueshëm se të tjerët.
Parma: “Shpejtësia e Traore, cilësia e Bernabe dhe vrapimet e Valeri janë të gjitha gjëra që meritojnë vëmendje. Po luajmë kundër dikujt, por edhe kundër Juves, në kuptimin që duhet t’i qasemi çdo ndeshjeje si Juventus. Duam të luajmë futboll sulmues dhe të kuptojmë se çfarë po ndodh para se ta kemi topin në këmbë. Në këtë kuptim, pres përmirësim.”
The post Spalletti me sytë nga merkato: Do të kemi disa mungesa, por duhet të luajmë si Juventus appeared first on Telesport.