Humbja e fundit 5-2 për Juventusin datonte nga Botërori për Klube, me Tudor në stol dhe Manchester City e Guardiolës përballë. 8 muaj më vonë, Juventusi ka trajner të ri, por probleme të vjetra që vetëm “mbulohen nën qilim”. Pas disfatës me Galatasaray, tifozët pyesin për vlerësimin e sezonit.
Ekipi bardhezi është jashtë Kupës së Italisë, gjysmë këmbe larg eliminimit nga Champions-i dhe 15 pikë larg Interit kryesues në Serie A. Që nga viti 2020, Juventusi ka fituar vetëm një Superkupë dhe një Kupë Italie, ndërsa në Champions shpesh është eliminuar në 1/8 finale, përjashtuar vitet e jashtëzakonshme. 5 trajnerë, të njëjtët rezultate, ndryshime drejtuesish, fat i pandryshuar.
Për Spallettin, fajet janë të vështira për t’u kapërdirë. Ai po bën më të mirën me grupin dhe punon për t’i dhënë personalitet ekipit në dispozicion. Megjithatë, rinovimi deri më 2028 mbetet i pasigurt nëse situata nuk ndryshon. Logjikisht, ai pritet të qëndrojë, pasi nuk ka alternativa të denja dhe ciklet fituese ndërtohen me durim e koherencë.
The post Spalletti, po tani? Dilema e Juventusit mes planifikimit dhe rrezikut të një sezoni të dështuar appeared first on Telesport.