Pasi për muaj të tërë ishte akuzuesi kryesor i Jannik Sinner (numrit 1 në botë) për shkak të pezullimit 3-mujor për shkak të dopingut, tenisti australian Nick Kyrgios e ka gjetur veten në qendër të një çështjeje doping.
Ai rezultoi pozitiv për kokainë në një test antidoping të kryer në Mallorca më 22 qershor. Vetë tenisti australian e njoftoi lajmin në një postim të gjatë në Instagram, duke shprehur keqardhje të thellë.
Ai u ka kërkuar falje tifozëve, familjes, sponsorëve dhe veçanërisht të rinjve që e ndjekin, duke marrë përgjegjësi të plotë për një gabim që e përshkroi si “jashtëzakonisht serioz”.
“Doja që ju ta dëgjonit këtë nga unë. Kohët e fundit rezultova pozitiv për kokainë në një test droge në Mallorca. Bëra një gabim shumë serioz dhe marr përgjegjësi të plotë për të. U kërkoj ndjesë të gjithëve”, shkruan Kyrgios.
“Nuk dua të gjej justifikime, por dua të shpjegoj situatën në të cilën u gjenda. Lëndimet e dy viteve të fundit kanë lënë një barrë të madhe tek unë, si fizikisht ashtu edhe mendërisht
Agjencia Ndërkombëtare e Integritetit të Tenisit (ITIA) lëshoi zyrtarisht një pezullim paraprak që hyn në fuqi më 4 gusht 2026, për një periudhë të pacaktuar. Tenisti ka të drejtën për të apeluar masën e përkohshme, por ende nuk ka filluar ndonjë procedurë apelimi.
The post Tenisti australian pozitiv me kok*inë, pezullohet pa afat. “S’ka vend për justifikime, është përgjegjësi e imja” appeared first on Telesport.