Sipas disa raporteve, morali i stafit në Arsenal ka rënë ndjeshëm pas nisjes së një plani ristrukturimi, i cili vë në rrezik rreth 60 vende pune.
Kjo atmosferë pasigurie është përhapur në të gjithë klubin, pavarësisht titullit të fituar në Premier League.
Siç raporton “The Telegraph”, disa punonjës me shërbim të gjatë tashmë janë larguar nga organizata ose po përgatiten ta bëjnë këtë, ndërkohë që procesi i konsultimit është ende në vazhdim.
Edhe pse stafit të prekur mund t’u ofrohen role të tjera, e ardhmja e tyre mbetet e pasigurt. Këto ndryshime janë pjesë e një rishikimi operacional të drejtuar nga Drejtori Menaxhues, Richard Garlick, me mbështetjen e firmës konsulente “Boston Consulting Group”, për të vlerësuar aktivitetet e klubit.
Mikel Arteta ka zgjedhur të mos komentojë drejtpërdrejt mbi këtë çështje, duke deklaruar: “Kjo nuk është një pyetje për mua. Natyrisht, unë nuk jam personi i duhur për t’iu përgjigjur kësaj”.
The post Titulli në Premier s’mjafton, 60 persona drejt largimit nga Arsenal-i appeared first on Telesport.