Presidenti amerikan Donald Trump njoftoi sot se ushtria e SHBA-së ka filluar procesin e pastrimit të Ngushticës së Hormuzit dhe se të gjitha anijet iraniane të destinuara për vendosjen e minave janë fundosur.
“Po e fillojmë tani procesin e pastrimit të Ngushticës së Hormuzit”, shkroi Trump në rrjetet sociale, duke shtuar se të gjitha 28 anijet iraniane për vendosjen e minave tashmë ndodhen në fund të detit.
Trump ka deklaruar në disa raste se forcat amerikane kanë shkatërruar kapacitetet detare dhe ajrore iraniane, duke i shkaktuar gjithashtu goditje të rënda programit bërthamor dhe atij të raketave balistike të Teheranit.
Frika nga sulmet iraniane ndaj anijeve tregtare gjatë javëve të fundit praktikisht e ka mbyllur Ngushticën e Hormuzit, një kanal kritik për furnizimin global me naftë, gjë që ka shkaktuar tronditje serioze në tregjet globale të energjisë.