Presidenti Donald Trump ka njoftuar se Richard Grenell do të zëvendësohet si drejtues i Kennedy Center. Trump shkroi në Truth Social se Grenell do të zëvendësohet nga Matt Floca, zëvendëspresidenti aktual për operacionet e objekteve.
Ndryshimi vjen ndërsa institucioni, që tani mban emrin e Trumpit në fasadë, pritet të mbyllet për dy vjet për renovime.
Mandati i Grenellit si president i përkohshëm që nga shkurti 2025 është shoqëruar me anulime të profileve të larta, protesta, rënie të shitjes së biletave dhe vështirësi financiare.
Sipas burimeve të CNN, Trump ishte bërë i pakënaqur me lajmet negative për drejtimin e qendrës, megjithëse një zyrtar i Shtëpisë së Bardhë tha se Grenell nuk po shkarkohet, por ishte paraparë të ndihmonte vetëm gjatë periudhës së tranzicionit.
Grenell pritet të largohet në javët në vijim dhe të përfundojë punën e tij për mbledhjen e fondeve.
Në postimin e tij, Trump e falënderoi Grenellin për punën gjatë tranzicionit dhe tha se “Trump Kennedy Center”, pas përfundimit të renovimeve, do të jetë objekti më i mirë i këtij lloji në botë. / Burimi: CNN