Donald Trump pohoi se ai është në avantazh në të shtatë të ashtuquajturat “shtetet swing”, shtetet ambivalente që pritet të vendosin rezultatin e zgjedhjeve presidenciale në SHBA, duke shtuar se “e vetmja gjë” që mund të pengojë fitoren e tij dhe rikthimin e tij në Shtëpinë e Bardhë është “mashtrimi”.
Ish-presidenti republikan kishte argumentuar saktësisht të njëjtën gjë katër vjet më parë kur u mund nga Joe Biden, diçka që si vetë Trump ashtu edhe mbështetësit e tij refuzojnë ta pranojnë deri më sot.
Në fjalimin e tij të fushatës në Arizona, Trump siguroi se ai është përpara në të shtatë shtetet e kontestuara që karakterizohen si aksionet më të rëndësishme të fushatës.
“Unë jam përpara në të gjitha “shtetet vendimtare”, i siguroi ai mbështetësit e tij.
Gjatë një interviste me spikerin e krahut të djathtë Tucker Carlson, zoti Trump pohoi gjithashtu se përpjekjet për të kryer mashtrim ishin zbuluar tashmë, pa paraqitur asnjë provë.