Bota e futbollit italian u trondit nga lajmi i vdekjes së Papa Françeskut, i cili bëri që edhe katër ndeshjet e mbetura të javës së 33-të të Serisë A të ricaktohen për të mërkurën më 23 prill në vend të ditës së sotme.
Një ndryshim datash që nuk ka marrë miratimin e Lazios, duke qenë se klubi bardhekaltër ka kërkuar zyrtarisht një takim urgjent me Lega Serie A për të ndryshuar kalendarin, duke dërguar një letër të përcjellë edhe te CONI dhe FIGC, përveç shprehjes së njëfarë zhgënjimi.
Ndër arsyet është edhe dëshira e Lotitos për të siguruar që skuadra, si përfaqësi e kryeqytetit, të marrë pjesë në përkujtimet që do të mbahen për Atin e Shenjtë në ditët në vijim.
Megjithatë, burime në Lega Serie A kanë raportuar se nuk ka asnjë shans që kërkesa e Lazios të plotësohet. Dera është e mbyllur dhe gjithashtu rrjedh se është marrë vendimi për të rikuperuar sa më parë ndeshjet dhe për të mbrojtur rregullsinë e kampionatit, duke ndjekur procesin më “normal” të mundshëm për të cilin synohet data e parë e disponueshme për të luajtur.
Për këtë mësohet se edhe Lega Serie A ka pasur mbështetje të plotë nga FIGC.
The post Vdekja e Papa Françeskut, presidenti Lotito kërkon të lëvizë sërish datën e Genoa-Lazio për një motiv. Vjen refuzimi! appeared first on Telesport.