Ndeshja e Europa League mes Juventusit dhe Rennes përfundoi në barazim 2-2 në Torino. Bardhezinjtë e nisën mirë duke kaluar në avantazh që në minutën e 5-të me Zeki Çelik, por francezët përmbysën përkohësisht ndeshjen me golat e Musa Al-Taamari (15′) dhe Boulaye Dia me penallti (43′).
Skuadra e Luciano Spallettit barazoi në pjesën e dytë falë një penalltie të saktë nga Nick Woltemade në minutën e 67-të.
Polemika e madhe e mbrëmjes ndodhi në minutën e 88-të, kur mbrojtësi Jhon Lucumí shënoi golin e përmbysjes së madhe 3-2 pas një rrëmuje në zonë dhe devijimit të topit nga mbrojtësi kundërshtar.
Festimi i çmendur në “Allianz Stadium” u ndërpre menjëherë nga ndërhyrja e VAR-it, i cili thirri gjyqtarin Morten Krogh për një rishikim në monitor. Arbitri vendosi ta anulonte golin e Lucumí-t për pozicion jashtë loje aktiv, duke gjykuar se kolumbiani ishte në pozicion të parregullt në momentin e pasimit të parë me kokë nga Nico Gonzalez, një vendim që shkaktoi mjaft diskutime dhe protesta te tifozët dhe lojtarët bardhezi.
The post (VIDEO) Barazim zhgënjyes por edhe polemika, Juventusi ndalet ndaj Rennes në Torino! appeared first on Telesport.