Fituesi i “Topit të Artë 2024” është mesfushori i Manchester City, Rodri! Kampioni i Europës me Spanjën, kampioni i Premier League dhe i Botërorit të klubeve me “Qytetarët”, është vlerësuar me trofeun individual në mënyrë befasuese, pasi për disa muaj me radhë si fitues është përmendur Vinicius Junior.
Trajneri më i mirë i vitit u shpall Carlo Ancelotti, kampion Europe me Real Madridin në Champions League. Trofeu Kopa ishte më i parashikueshmi i kësaj ceremonie. Ky çmim jepet për lojtarin më të mirë nën 21 vjeç dhe shkoi për yllin e Barcelonës, Lamine Yamal, i cili sivjet ka shkëlqyer me Spanjën dhe Barcelonën.
Real Madrid u shpall skuadra më e mirë e vitit 2024 për futbollin e meshkujve, por asnjë pjesëtar i Los Blancos nuk ishte i pranishëm në sallë. Madrilenët e morën këtë vendim si qëndresë për faktin që Vinicius Junior nuk u shpall fitues sonte.
Barcelona u shpall skuadra më e mirë e vitit për futbollin e vajzave, një gjë që po kthehet e zakonshme në vitet e fundit.
Harry Kane, bashkë me Kylian Mbappe (në mungesë), mori trofeun “Gerd Muller” si golashënuesi më i mirë në Europë për këtë vit. Sulmuesi i Bayern vijon të jetë në majat e futbollit dhe e meritoi këtë vlerësim.
Emiliano Martinez, fitues i Kupës së Botës dhe Kupës së Amerikës, u shpall portieri më i mirë i vitit. Një trofe personal 100% i merituar për argjentinasin.
The post Vinicius humb betejën, “Topi i Artë 2024” është Rodri! Këto janë çmimet e ceremonisë së Parisit appeared first on Telesport.