Pas transferimit të Alexander Arnold dhe Dean Hujisen në mbrojtje, Xabi Alonso ka kërkuar nga drejtuesit e Real Madrid edhe një përforcim në mesfushë. Trajneri bask kërkon një mesfushor me përvojë, cilësi dhe pjekuri taktike.
Sipas raportimeve që vijnë nga Spanja, Florentino Perez e ka gjetur profilin e lojtarit që kërkon Xabi Alonso dhe bëhet fjalë për Ruben Neves, mesfushorin portugez të Al-Hilal, i cili bëri një përfomancë të jashtëzakonshme në përballjen mes dy ekipeve në ndeshjen e parë për Kupën e Botës. Por, drejtuesit e Realit nuk nisen vetëm nga perfomanca e tij në këtë ndeshje, por nga forma e vazhdueshme që ka treguar vitet e fundit.
Ruben Neves ka qenë në fokusin e disa ekipeve të mëdha që kur ishte pjesë e Wolves në Premier League, por zgjodhi të transferohej tek Al-Hilal për 55 milionë euro dhe sigurisht një super rrogë për të. Megjithatë, 28-vjeçari është gati të rikthehet në Europë dhe nuk mund t’i thotë dot “jo” interesimit të një klubi si Real Madrid. Burime pranë lojtarit tregojnë se Neves nuk e fsheh gëzimin për të veshur fanëllën e Realit, por marrëveshja me Al-Hilal nuk ka për të qenë aspak e lehtë.
Aktualisht, jemi larg finalizimit të marrëveshjes, por interesi i ekipit madrilen është real dhe operacioni ka hyrë në një fazë ku gjithçka mund të përshpejtohet brenda ditësh.
The post Xabi Alonso kërkon një mesfushor, Perez ia gjen në Arabinë Saudite appeared first on Telesport.