Xhejk Poll nuk do të ndeshet me Entoni Xhoshua në duelin e tij të radhës, pasi njoftoi një përballje miqësore me Gervonta Dejvis më 14 nëntor. Paul, i cili e ka kaluar karrierën e tij profesionale duke vepruar rreth limitit të peshave të lehta, do të takohet me Dejvisin, një kampion bote në peshën e lehtë. Kjo përballje do të zhvillohet në “State Farm Arena” në Atlanta, të premten e 14 nëntorit. Dejvis (30 fitore, asnjë humbje e 1 barazim) është kampioni aktual i botës në kategorinë WBA. Gjithsesi, titulli i tij kampion nuk do të jetë në lojë në këtë sfidë me Xhejk Poll (12 fitore, 1 humbje).
Entoni Xhoshua, dy herë ish-kampion bote në peshën e rëndë dhe fitues i medaljes së artë olimpike, kishte zhvilluar bisedime për të boksuar me Pollin në një përballje, por pa arritur një marrëveshje. Poll ka boksuar vetëm një herë në peshën e rëndë, kundër Majk Tajsonit (58-vjeç).
Gervonta Dejvis është një nga emrat më të mëdhenj në boksin amerikan, i pamposhtur në karrierën e tij. Ndërsa Poll është një boksier shumë më trupmadh, 1.88 m i gjatë krahasuar me 1.68 m të Dejvis, ai nuk mund të krahasohet me nivelin ose shkallën e përvojës së tij në kategorinë e peshave të lehta
The post Xhejk Poll do të përballet me kampionin e botës në peshën e lehtë appeared first on Alsat.