Portieri i Huracán, Hernán Galíndez, kujtoi përballjet e tij me Lionel Messin kur të dy ishin fëmijë dhe Messi luante për Newell’s. “U takuam shumë herë”, – tha Galíndez, i cili lunate për Rosario Central, ndërsa “Pulga” për Newell’s. Ai zbuloi edhe nofkën e Messit si fëmijë: “I thoshin gjithmonë ‘lojtari i Colorado që mban numrin 10’. Me të në fushë e filloje ndeshjen 3-0 në disavantazh”.
Galíndez, 38 vjeç, ish-lojtar i Universidad Católica (Kili) dhe Rangers (Skoci), shtoi: “Ishte një gjeni. Videot e tregojnë qartë talentin e tij qysh në atë kohë; të tërhiqte vëmendjen në atë moshë se si e kontrollonte topin”. Ai kujtoi edhe golin e parë që pësoi si portier nga Messi, duke kaluar 5 lojtarë, përfshirë edhe atë vetë.
Portieri i Ekuadorit përmendi se të përballej me Messin si profesionist ishte krenari dhe se shkëmbyen fanellat pas fitores 1-0 të Argjentinës ndaj Ekuadorit në “Monumental”, për të realizuar dëshirën e djalit të tij 8-vjeçar për fanellën e Messit.
The post Zbulohet nofka e panjohur, që Messi kishte në akademinë e Newell’s appeared first on Telesport.