Në qytetin e Shkodrës, u zhvillua Kampionati Kombëtar i Gjimnastikës për grupmosha të ndryshme, për djem e vajza. Një event që u zhvillua në palestrën e shkollës Edith Durham, ku morën pjesë edhe drejtuesit e këtij sporti, presidenti i Federatës dhe sekretari i përgjithshëm.
Federata Shqiptare e Gjimnastikës, organizatore e këtij eventi mjaft të këndshëm, përzgjodhi qytetin verior për shkak se Shkodra është këtë vit Qyteti Europian i Sportit. Ndaj aty do të zhvillohen edhe eventet e tjera të këtij sporti për këtë vit.
Në këtë kampionat ishin të pranishëm rreth 100 fëmijë të grupmoshave të ndryshme, nga 7 deri në 16 vjeç, që konkurruan fort mes tyre për trofe dhe medalje. Një pjesëmarrje e tillë tregon qartë për rritjen e masivizimit të sportit të gjimnastikës në vendin tonë.
Edhe numri i ekipeve që morën pjesë ishte i lartë: Nga Shkodra, Korça, Berati si dhe disa skuadra nga kryeqyteti (, që e mbushën plot palestrën sportive.
Një event me nivel të kënaqshëm, emocione dhe rivalitet, që mblodhi shumë spektatorë vendës dhe nga rrethet. Garat u zhvilluan në grupmoshat 7-8 vjeç, 9-10 vjeç, 11-12 vjeç, 13-14 vjeç, 14-15 vjeç dhe mbi 16 vjeç, në disiplinat e traut, kërcimeve dhe ushtrimeve të lira artistike.
Fitueset 7-8 vjeç (vajza)
1.Enesa Sulaj (Gjimnastik Xheni)
2.Lea Qerimaj (Sky 07)
3.Hera Mustafa (Sky 07)
Renditja ekipore: Gjimnastik Xheni 133.8 pikë, Sky 07 131.6 pikë, OlimPark AL 88.2 pikë.
Fitueset 9-10 vjeç (vajza)
1.Maria Zefi (Gjimnastika)
2.Amatia Lleshi (Gjimnastika)
3.Nadia Daci (Gjimnastik Xheni)
Renditja ekipore: Gjimnastika 163.54 pikë, Tomori 69.3 pikë, Barleti 65.6 pikë.
Fitueset 11-12 vjeç (vajza)
1.Merili Islami (Gjimnastika)
2.Mishela Bitanji (Gjimnastika)
3.Viktoria Simoni (Gjimnastika)
Renditja ekipore: Gjimnastika 134.7 pikë, Gjimnastik Xheni 91.5 pikë, Skënderbeu 49.2 pikë.
Fitueset 13-14 vjeç (vajza)
1.Klea Marku (Gjimnastika)
2.Silja Muhameti (Tomori)
3.Ilenia Sevdari (Tomori)
Renditja ekipore: Tomori 120.2 pikë
Fituese +15 vjeç (vajza)
1.Gresa Dragoni (Gjimnastika)
2.Orkida Gjoka (Barleti)
3.Françeska Kodra (Skënderbeu)
Fitues 8-9 vjeç (djem)
1.Darling Lamaj (Tomori)
2.Noed Valeshnja (Tomori)
3.Devis Ndoja (Gjimnastika)
Fitues 14-15 vjeç (djem)
1.Dion Muçogllava (Tomori)
2.Eduart Zefi (Gjimnastika)
Fitues +16 vjeç (djem)
1.Destan Mera (Skënderbeu)
2.Kristi Tacelli (Skënderbeu)
The post Zhvillohet në Shkodër kampionati i gjimnastikës: Emocione, masivitet dhe rivalitet, ja fituesit e vitit 2025 appeared first on Telesport.