Tashmë ka marrë formë zyrtare; Simone Inzaghi është trajneri i ri i Al Hilal. Klubi saudit e prezantoi teknikun italian përmes rrjeteve sociale me pseudonimin “gjeniu italian”. Ish-trajneri i Interit ka firmosur kontratë deri në vitin 2027, me pagë prej 25 milionë euro neto në sezon.
The Italian genius is here ✅ 🧠
Welcome, 𝐒𝐢𝐦𝐨𝐧𝐞 𝐈𝐧𝐳𝐚𝐠𝐡𝐢 ✍️
— AlHilal Saudi Club (@Alhilal_EN) June 4, 2025
Megjithatë, prezantimi nuk kaloi pa gafë. Në videon zyrtare, teksa kamera rrotullohet rreth Inzaghit, në një ekran televiziv dëgjohet komentimi i një goli nga Sandro Piccinini, por nuk është gol i Simone. Në fakt bëhet fjalë për gol të vëllait të tij Pippo, pikërisht goli i dytë në finalen e Champions League 2007, Milan-Liverpool.
Ndër “pëlqimet” në videon e prezantimit bie në sy ai i Sergej Milinkovic-Savic, i cili do ta ritakojë trajnerin e tij të dikurshëm (te Lazio) në Riad. Në një tjetër postim, Inzaghi prezantohet si “Kumbari” i ri i klubit.
The post Al Hilal bën gafë me prezantimin e Inzaghit, ngatërron trajnerin e vet të ri appeared first on Telesport.