Çështja “Ter Stegen” vazhdon të ketë zhvillime sa i përket Barcelonës dhe më gjerë. Pas njëmbëdhjetë vitesh me fanellën “blaugrana”, kapiteni dhe legjenda e klubit katalanas duket se është gjithnjë e më afër lamtumirës.
Një lamtumirë që duket se e ka kërkuar më shumë klubi dhe trajneri Flick se sa vetë lojtari. Portieri gjerman thuhet se është ndarë me menaxherin dhe ardhja e Joan Garcia nga Espanyol do ta shtynte atë më tej drejt largimit.
Për momentin mbetet për t’u parë nëse mund të arrihet një zgjidhje konsensuale, por ndërkohë ka edhe të interesuar për situatën. Bëhet fjalë, sipas asaj që raporton “FootBoom”, për Manchester United.
“Djajtë e kuq” janë të zhgënjyer nga Andre Onana dhe prej kohësh po shohin në merkato. Duket se Ter Stegen përfaqëson për të mundësinë e artë.
Portieri kamerunas mbërriti në vitin 2023 për 52 milionë euro nga Interi, por nuk arriti të shlyejë asnjëherë investimin e klubit, duke u përballur me gabime të vazhdueshme. Ndaj, Ter Stegen mund të bëhet një emër i vlefshëm për t’i dhënë stabilitet ekipit në portë.
The post Barcelona i bën dalje, Ter Stegen kthehet në objektivin kryesor për portën e “djajve të kuq” appeared first on Telesport.