Në fjalimin e tij në akademinë solemne në Prilep, kryeministri Hristijan Mickoski tha se Maqedonia ka kaluar momente të vështira gjatë viteve, por se është e nevojshme një mobilizim i thellë i të gjitha strukturave shoqërore.
“Dialog esencial për të gjithë faktorët shoqërorë të rëndësishëm për shtetin, mjedisin akademik, profesorët, akademikët, shkencën, të rinjtë, ata me përvojë dhe ata me energji për të ecur përpara. Jam i gatshëm të udhëheq këtë proces dhe të bashkohemi rreth një platforme jo politike apo vetëm ekonomike, por shoqërore për qëllimet që duam t’i arrijmë si shtet”, tha Micksoki.
Presidentja Gordana Siljanovska-Davkova në urimin e saj kujtoi se lufta antifashiste është themeli i lirisë dhe shtetësisë moderne.
“Në ditët dramatike të Luftës së Dytë Botërore, treguam se të bashkuar dhe të unifikuar, pavarësisht përkatësisë shoqërore, etnike, fetare, ideologjike apo tjetër, mund të mundim fuqinë dhe padrejtësinë. Prandaj, festimi i 11 Tetorit nuk është vetëm një kujtim i një epopjeje të lavdishme, por një thirrje për ta vazhduar atë me dialog në paqe”, deklaroi Gordana Siljanovska Davkova.
Urim dërgoi edhe kryetari i Kuvendit, Afrim Gashi, i cili theksoi se kjo ditë na kujton rëndësinë e lirisë, solidaritetit dhe dinjitetit njerëzor.
“Le të qëndrojmë të bashkuar në përpjekjet për një të ardhme evropiane, të begatë dhe të drejtë – me institucione të forta, udhëheqje të përgjegjshme dhe kujdes të përditshëm për të mirën e përbashkët. Le të kjo ditë të jetë nxitje për secilin prej nesh të kontribuojë me punë, dije dhe integritet për përparimin e Republikës së Maqedonisë së Veriut”, u shpreh Afrim Gashi.
Kryetari i opozitës LSDM, Venko Filipçe, pati një takim me përfaqësues të Lidhjen e Luftëtarëve, pas të cilit tha se Dita e Kryengritjes Popullore është dita kur kemi treguar se jemi në anën e duhur të historisë.
“Amaneti i paraardhësve nuk është plotësisht përmbushur deri në fund, duhet të punojmë shumë dhe me përkushtim, të forcojmë këtë shtet, të përfundojmë rrugën e integrimeve evropiane që Maqedonia të jetë vend i bukur për të jetuar”, tha Venko Filipçe.
Për nder të kësaj feste në Parlament u dha Çmimi Shtetëror “11 Tetori” për veprimtari jetësore në fushën e kulturës dhe artit për aktoren Teuta Ajdini-Jegeni, dirigjentin koral profesor Letka Dimovska dhe producentin Ivo Jankoski. Çmime në fushën e shkencës dhe arsimit morën profesori Konstantin Dimitrov dhe akademiku Gligor Jovanovski.