Endrick po shkëlqen te Lyon, aty ku u huazua gjatë merkatos së janarit. Braziliani ka shënuar 5 gola deri tani, por mbi të gjitha ka treguar një formë shumë të mirë.
Ndërkohë, që të gjithë presin rikthimin e tij te Real Madrid në verë, vetë sulmuesi brazilian ka një kusht për drejtuesit e “Los Blancos”. Mediet spanjolle zbulojnë se Endrick ka kërkuar largimin e Gonzalo Garcia ose Rodrygo, që të rikthehet sërish te Real Madrid.
19-vjeçari brazilian është i bindur se në rast se nuk nuk largohet asnjë nga sulmuesit e tanishëm, atëherë ai sërish do të ketë shumë pak minuta në dispozicion.
Duke qenë se Real Madrid beson shumë tek Endrick, i cili konsiderohet si një nga shtyllat kryesore të së ardhmes, nuk do të ishte aspak befasi që klubi madrilen të largojë në verë një nga dy emrat e sipër përmendur, me qëllim që braziliani i huazuar te Lyon, të marrë vendin që i takon te “Los Blancos”.
The post Endrick i vë kusht Real Madridit, nuk pranon të rikthehet po nuk u largua njëri nga këta dy lojtarë appeared first on Telesport.