Wayne Rooney ka shprehur dyshime për Arne Slot si trajner i Liverpool-it, duke theksuar vështirësinë për ta pasuar Jurgen Klopp. Ai deklaroi: “E kam takuar disa herë, duket njeri i mirë, por nuk mendoj se ka aurë për Liverpool-in. Ndoshta kjo bindje vjen sepse ka pasur Jurgen Klopp, gjë që do të ishte e vështirë për këdo”.
Legjenda e Manchester United nënvizoi se trashëgimia e Klopp, që e ktheu Liverpool-in në elitën europiane gjatë një dekade, e bën presionin jashtëzakonisht të madh te holandezi. Komentet e Rooney ndezën debat mes tifozëve në rrjetet sociale, ku disa ranë dakord se pritshmëritë në “Anfield” janë pothuajse të pamundura për t’u përmbushur.
Megjithatë, në mbrojtje të Slot është fitimi i Premier League që në sezonin e parë, me holandezin që njihet për aftësi të forta taktike. Sukseset e tij në “Eredivisie” tregojnë se mund ta ndërtojë trashëgiminë e duhur në “Anfield” nëse i jepet kohë. Debati për epokën e re të Liverpool-it vazhdon.
The post Wayne Rooney ka një paralajmërim “të acartë” për Arne Slot te Liverpool-i appeared first on Telesport.