Kylian Mbappé, i cili ka pësuar një dëmtim të ligamentit të pasmë në gjurin e majtë, i është besuar mjekut të njohur francez Bertrand Sonnery-Cottet, një nga traumatologët më të respektuar në botë për trajtimin e dëmtimeve të gjurit te sportistët elitarë.
Sonnery-Cottet ka trajtuar shumë sportistë të nivelit të lartë, përfshirë Zlatan Ibrahimović pas dëmtimit të rëndë në gjurin e tij më 2022 dhe më së fundi qendërsulmuesin Mouctar Diakhaby, pas një dëmtimi në ndeshjen Valencia-Real Madrid. Ai ka qenë gjithashtu në kontakt me Real Madridin që nga trajtimi i Karim Benzema më 2014, në mesin e pacientëve ka pasur edhe Neymar.
Specialisti kryen mbi 600 rindërtime të ligamentit të përparmë dhe të shumëfishtë çdo vit. Ai fokusohet ekskluzivisht në dëmtimet e muskujve dhe indeve të buta të gjurit dhe punon si kirurg ortopedik këshillues në “Centre Orthopédique Santy” të Lyon-it, një qendër e FIFA-s për trajtime të avancuara.
Një nga rastet më të famshme ishte rikuperimi i skijatorit Valentin Giraud Moine, që kishte luksacion të dyfishtë të gjurit pas një rënieje me 120 km/h. Me ndërhyrjen e Sonnery-Cottet, ai u kthye në garë vetëm 22 muaj më vonë, një sukses që mjeku e quajti “mrekulli e mjekësisë sportive”. Me këtë eksperiencë, Mbappé është në duar të sigurta për trajtimin e dëmtimit të tij.
The post Mbappé ia beson shëndetin traumatologut francez, që operoi Ibrahimović dhe Diakhaby appeared first on Telesport.