Pas tre garave të para, Lewis Hamilton mbërriti në Majemi i vendosur të ndërtonte mbi këtë garë fillimin e tij inkurajues të sezonit: “Të gjithë kanë pasur mundësinë të reflektojnë mbi atë që ka ndodhur deri më tani dhe të gjithë kanë qenë në gjendje të punojnë në makinat e tyre përkatëse për t’i perfeksionuar ato. Ndihem i mbushur me energji”.
“Kam qenë në simulator praktikisht çdo javë, kam bërë shumë stërvitje dhe përgatitje. Duke parë prapa në garën e fundit, isha i mendimit se kishim disa probleme me fuqinë, por nuk ishte motori. Më shumë një kombinim gjërash që më kushtonin 8-9 të dhjeta për xhiro. Ne kuptuam se cilat ishin këto probleme dhe i rregulluam ato. Pastaj do të jetë interesante të shohim se çfarë ndryshimi do të bëjnë ndryshimet e rregullores”, tha Hamilton.
Britaniku, më tej komentoi: “Jam mirënjohës për gjithë punën e madhe. E kam parë nga afër se sa shumë ka punuar ekipi për përditësimet. Mendoj se ka një hendek në fuqi krahasuar me Mercedes dhe ndoshta edhe me Ford (Red Bull). Për ta mbyllur këtë hendek, na duhet dy herë më shumë zhvillim sesa të tjerët, dhe do të jetë një detyrë e vështirë”.
“Nëse një ekip fiton një të dhjetën, ne duhet të fitojmë dy. Nëse ata fitojnë dy, ne duhet të fitojmë tre ose katër. Është shumë, por duhet të vazhdojmë të shtyjmë për të mbyllur përfundimisht deficitin në frontin e motorit“, përfundoi anglezi i Ferrari.
The post Hamilton: Kemi një deficit fuqie krahasuar me Mercedes dhe Red Bull, por ndihem i mbushur me energji appeared first on Telesport.