Janë luajtur këtë pasdite ndeshjet e javës së 35-të për Abissnet Superiore, e cila është java e parafundit. Flamurtari ka barazuar 1-1 me Teutën, duke rënë zyrtarisht në Kategorinë e Parë. Teuta duhet të fitojë patjetër ndeshjen e fundit në shtëpi ndaj Egnatias për të qëndruar në Superiore.
Në “Selman Stërmasi”, Tirana fitoi klasiken ndaj Vllaznisë me rezultatin 1-0, falë golit të Rafa Freitas në pjesën e parë. Dinamo ka barazuar 2-2 me Vorën, duke siguruar edhe matematikisht vendin e katërt që të dërgon në “Final Four”.
Nevil Dede e nis me këmbë të mbarë tek Egnatia, e cila fitoi 2-0 ndaj Partizanit. Bylis bëri detyrën në shtëpi duke fituar 2-1 ndaj Elbasanit.
The post Abissnet Superiore, java e parafundit: Tirana fiton klasiken ndaj Vllaznisë. Flamurtari bie në të Parën appeared first on Telesport.