Piloti britanik i Mercedes, George Russell, siguroi “pole position” të shtunën pasdite në pistën e “Red Bull Ring”, i vlefshëm për Cmimin e Madh të Austrisë në Formula 1. Ai dha kohën 1’06”113, koha e tij ishte nën hetim, pasi e regjistroi atë nën regjimin e flamurëve të verdhë, por u konfirmua.
Pak sekonda pasi kishte përfunduar koha e kualifikimit, Max Verstappen u përplas në kthesën e parafundit dhe u valëvitën flamurët e verdhë dhe Russell nuk e hoqi këmbën nga gazi. Gjithsesi, në vendin e dytë u rendit Charles Leclerc me Ferrari, që la pas shokun e tij të skuadrës Lewis Hamilton (i treti).
Në vendin e katërt u rendit italiani Kimi Antonelli me makinën tjetër Mercedes, duke lënë pas Max Verstappen me Red Bull, që po bënte një kohë të mirë para aksidentit. Pas tij u klasifikuan dy makinat McLaren , me Lando Norris që la pas Oscar Piastri. Në “top-10” edhe Hadjar, Lawson e Lindbald.
Në një pistë të shkurtër si kjo e Austrisë, kohët e pilotëve janë pranë njëra-tjetrës, cka e lë të hapur garën e të dielës, pasi priten parakalime dhe një garë emocionuese. Vendimtare do të jenë temperaturat, që parashikohen të larta, që mund të sjellin edhe konsumim të madh të gomave.
The post George Russell siguron “pole position” në Austri, lë pas dy makinat Ferrari dhe Antonelli appeared first on Telesport.