Skuadra e Borussia Dortumund ka nisur prej disa ditësh fazën përgatitore në prag të sezonit të ri, me trajnerin Niko Kovac që ka nisur punën me 22 futbollistë në dispozicion.
Përveç kapitenit Emre Can (i dëmtuar), në listën e trajnerit Niko Kovac mungonin pjesëmarrësit e Kupës së Botës, të cilët aktualisht janë ende me pushime. Julian Ryerson, i cili u zëvendësua për shkak të një dëmtimi gjatë ndeshjes çerekfinale të Norvegjisë kundër Anglisë, nuk ka pësuar një dëmtim më serioz dhe pritet të kthehet në Dortmund plotësisht i gatshëm pas pushimeve të tij.
Kovac ka gumbulluar edhe njëmbëdhjetë talente të reja nga ekipet rinore të Borussia në stërvitjen e skuadrës së ekipit të parë. “Ka shumë entuziazëm midis të gjithë lojtarëve dhe stafit. Më në fund kemi filluar dhe të shohim si do të shkojë kjo periudhë
Lars Ricken, drejtori sportiv, paraqiti planin para ndeshjes hapëse të sezonit kundër Bayern Munich në Super Kupë (22 gusht): “Duam të hedhim themelet për t’u siguruar që jemi sa më të suksesshëm këtë sezon.”
Fokusi ishte në punën me topin. Stërvitjet fillestare të koordinimit u pasuan shpejt nga stërvitje intensive me pasime dhe lojërat e para me lojtarë të fushës.
The post Borussia nis përgatitjet me një objektiv të qartë: Duam të hedhim themelet e një sezoni të suksesshëm appeared first on Telesport.