Duke mos qenë pjesë e projektit të Hansi Flick dhe me kërkesën e tij për t’u larguar nga ekipi, Deco dhe drejtuesit e tjerë të Barcelonës janë të detyruar për të përfunduar shitjen e lojtarëve sa më shpejt të jetë e mundur dhe mudnësit brenda korrikut, për të pasur kohën e mjafuteshme më pas për nënshkrimet e reja.
Bëhet fjalë për Marc-Andre ter Stegen, Marc Casado dhe Roony Bardghji. Portieri gjerman është shumë pranë transferimit tek Ajax, por zyrtarizimi është vonuar për shkak të disa çështjeve administrative si edhe formaliteteve përfundimtare. Megjithatë, mund të quhet një çështje e mbyllur.
Pak më e ndërlikuar është situata për dy emrat e tjerë. Për Casado ka interes konkret nga Arabia Saudite, por vetë lojtari dëshiron të qëndrojë në Europë. Për Roony Bardghji, Barcelona është ende në mëdyshje për shitjen e tij përfundimtare apo do të jetë transferim diku tjetër në formë huazimi.
Deri më sot, Barcelona ka zyrtarizuar vetëm shitjen e Ansu Fati te Monaco për 11 milionë euro.
The post Nuk ka më kohë për të humbur, Barcelona duhet të shesë këta tre lojtarë brenda korrikut appeared first on Telesport.