Në prag të përballjes me Juventusin, që mbyll turneun ndërkombëtar të Interit, trajneri Cristian Chivu foli për merkaton dhe kërkoi qetësi.
“Jemi të qetë dhe të vetëdijshëm për vlerën e skuadrës. Kemi nevojë të rrisim nivelin, me lojtarë që dinë të jenë pjesë e një grupi të bashkuar, që ka bërë gjëra të mëdha. Duhet të plotësojmë një ‘puzzle’ që ende nuk është i përfunduar. Nuk ka afat, merkatoja është e gjatë dhe duhet durim”, – tha Chivu.
Për krahun e djathtë, rumuni pranoi: “Për arsye të ndryshme zgjedhjet tona nuk u realizuan. Po punojmë për të shtuar cilësi dhe eksperiencë. T’i lëmë drejtuesit tanë të qetë”.
Duke folur për turneun, Chivu u shpreh i kënaqur: “Na mungojnë disa pjesë, por kemi edhe disa javë për të arritur versionin më të mirë. Gjëja më e rëndësishme është se kemi pasur pak probleme fizike”.
Për sezonin e ri: “Interi është skuadra që duhet mundur”. Ndërsa ndaj Juventusit theksoi se është një test për të parë gjendjen fizike: “Kemi nevojë për minuta. Nuk kam një formacion fiks, luan skuadra më e mirë sipas momentit, kundërshtarit dhe ngarkesës së ndeshjeve”.
Portieri i ri Ivan Provedel shtoi: “Të jem këtu është një ëndërr që realizohet. Kur isha i vogël isha tifoz i Interit. Këtu kupton pse klubi ka fituar kaq shumë, cilësia është e jashtëzakonshme”.
The post Chivu para ndeshjes ndaj Juventusit: Në merkato kërkojmë lojtarë të nivelit të lartë, duhet durim appeared first on Telesport.