Bayern Munich fitoi Superkupën e Gjermanisë me një fitore 2-1 ndaj Borussia Dortmund në “Signal Iduna Park”. Trajneri bavarez Vincent Kompany foli me entuziazëm për performancën e ekipit të tij, duke duartrokitur veçanërisht qëndrimin e tyre në 45 minutat e para të ndeshjes.
“Ne luajtëm një pjesë të parë të shkëlqyer dhe më pas treguam vendosmëri të jashtëzakonshme në pjesën e dytë për të mbrojtur avantazhin. Mund të shihnit zemrën dhe karakterin e kësaj skuadre,” tha Kompany.
Trajneri belg më pas u përqendrua në gjendjen fizike dhe shpirtin e ekipit: “Disa nga lojtarët kishin shumë pak stërvitje dhe luajtën 90 minuta. Ishte vërtet mbresëlënëse”.
“Aspekti më i rëndësishëm mbetet mentaliteti dhe në atë përballje ishte i patëmetë. Ne fituam, por që nga nesër e tutje mendjet tona do të zhvendosen menjëherë në ndeshjen tjetër. Po e shijojmë fitoren, por nesër do të jemi përsëri të uritur“, tha Kompany.
The post Kompany: Aspekti më i rëndësishëm i Bayern mbetet mentaliteti, gjithnjë të uritur për trofe appeared first on Telesport.