Trajneri i Bayern Munich, Vincent Kompany, deklaroi se është gati të nisë udhëtimin në Bundesliga. Sot, kampionët e Gjermanisë do të presin në fushën e tyre Shtutgart: “Ndjesia është saktësisht e njëjtë me herën e parë”, tha Kompany.
“Gjithmonë kam besim në mendjen time se në fund mund të kemi sukses. Por nuk je kurrë i sigurt dhe kjo të jep gjithashtu energji. Duhet të fillosh nga e para. Në mendjen time, nuk kam asnjë titull; duhet të provoj gjithçka përsëri”, tha trajneri belg.
“Kjo më jep shumë energji. Ndeshja kundër Shtutgart do të jetë e vështirë; është një sezon i ri, ka mundësi të reja. Kjo na jep avantazh në përgatitjen tonë. Pres me padurim sezonin e ri
Më tej, trajneri i Bayern tha: “Nuk është puna ime të parashikoj tabelën përfundimtare. Shpresoj të jemi po aq të fortë sa sezonin e kaluar dhe madje edhe më të mirë në disa fusha. Tashmë kemi parë një skuadër të fortë të Dortmund. Do të shohim se si do të jetë Shtutgart sot”.
The post Kompany: Bayern gati për debutimin në kampionat, do të ketë më shumë rivalitet appeared first on Telesport.