Trajneri Xabi Alonso tha se dëshiron lojtarë që “ndjejnë dëshirë për të luajtur” për fanellën e Chelsea, koment që vjen disa ditë pasi mesfushori argjentinas Enzo Fernandez u la jashtë skuadrës, në fitoren 2-0 ndaj ndaj Luton në Kupë.
“Blues” janë të përgatitur ta shesin Fernandez te Manchester City për çmimin e duhur. Chelsea beson se vlerësimet e tregut janë rritur pas një numri marrëveshjesh në Premier League dhe në Evropë të arritura për më shumë se 100 milionë £.
Nëse Fernandez shitet kaq vonë në afatin e transferimeve, kjo do t’i linte klubit shumë pak kohë për të kërkuar një zëvendësues. Duke folur përpara ndeshjes së së dielës në shtëpi kundër Brighton në Premier League, Alonso tha.
“Ne kemi nevojë për lojtarët që janë në situatën më të mirë për të luajtur. Duhet të marrim gjithçka në konsideratë, lojtarët që janë në momente të mira, lojtarët që nuk e ndiejnë atë energji për të luajtur”
“Për mua është shumë e rëndësishme që ata të ndiejnë atë dëshirë për të luajtur dhe të kenë një përgatitje të mirë. Ne biseduam dhe vendosëm që për Luton ai ishte më mirë të mos ishte pjesë e skuadrës. Ai është një lojtar i shkëlqyer, nuk ka dyshim për këtë”, tha Alonso.
The post Alonso mesazh Fernandez: Dua lojtarë që të kenë dëshirë për të luajtur me fanellën e Chelsea appeared first on Telesport.