Presidenti i SHBA-së, Donald Trump, përsëriti se lufta me Iranin të përfundojë këtë vit, ndoshta menjëherë pas zgjedhjeve të mesit të mandatit në SHBA, të cilat zhvillohen në nëntor. Deklarata e tij ndikoi edhe në çmimet e naftës.
“Irani nuk do të përfundojë menjëherë pas, ndoshta më parë, por do të përfundojë menjëherë pas zgjedhjeve të mesit të mandatit. Çmimi i gazit do të bjerë si shkëmb”, tha Trump.
Ndërkohë, Presidenti Trump i kërkoi sot Presidentit ukrainas Volodymyr Zelensky të ndalojë së synuari infrastrukturën e naftës së Rusisë.
“Fola me z. Zelensky për këtë. Ka shumë objektiva të tjerë. Mos e godisni naftën”, tha Presidenti Trump.
“Duhet të ndaloni së godituri naftën në Rusi.”
Presidenti Trump u ndal gjithashtu te inteligjenca artificiale, duke thënë se “forca shumë negative” po ngrenë çështje lidhur me inteligjencën artificiale që, sipas tij, nuk do të ndodhin. Ai theksoi se dëshiron të sigurojë që Shtetet e Bashkuara të ruajnë lidershipin e tyre në këtë fushë.
“Ne jemi përpara Kinës në inteligjencën artificiale. Ne jemi vendi më i përparuar teknologjikisht në botë dhe, sinqerisht, dua ta mbajmë këtë, sepse kushdo që fiton në inteligjencën artificiale, fiton”, tha presidenti amerikan, kur u pyet nëse sektori i inteligjencës artificiale duhet të ngadalësohet apo të rregullohet edhe më shumë.
“Ne mund të vendosim një kornizë mbrojtëse. Mund të bëjmë njërën ose tjetrën. Por mendoj se ka shumë forca negative që po e ngrenë këtë çështje dhe nuk duhet ta bëjnë, dhe po ngrenë çështje që nuk do të ndodhin.”