“Real Madrid TV” reagoi ashpër ndaj arbitrimit në derbin ndaj Atlético Madridit, duke denoncuar atë që e konsideron si standard të dyfishtë ndaj Real Madridit. “Nuk e dimë çfarë do të kishte ndodhur nëse Atlético do të kishte mbetur me nëntë lojtarë”, – deklaruan në televizionin zyrtar të klubit, duke argumentuar se vendimet e gjyqtarëve ndikuan në rrjedhën e ndeshjes.
Toni u përshkallëzua: “Jemi të sigurt se shumë madridistë kanë dëshirë të largohen nga kjo garë. Tani gjërat janë shtrembëruar edhe më shumë. Ortiz Arias disa javë më parë shoqërohej me lojtarët e Barçës dhe tani ndodh kjo”.
Më tej, “Real Madrid TV” përdori gjuhë shumë të ashpër: “Gjithçka është e neveritshme, nuk u intereson që La Liga po i del jashtë kontrollit Tebas-it. Kjo e këtij sezoni ka kaluar çdo limit. Mungon vetëm një qarkore që t’u lejojë kundërshtarëve të Real Madridit të dalin me revolver”. Për ndërhyrjen e Kang-in Lee ndaj Valverdes, u tha se gjyqtari iu drejtua uruguajanit me “qëndrim arrogant dhe agresiv”.
Televizioni i klubit shtoi se “ka një tjetër standard kur bëhet fjalë për Real Madridin, shihni ndëshkimin e Huisjen” dhe përfundoi: “Nuk ka kuptim të bëjmë debat futbollistik, pasi arbitrimi e kushtëzoi të gjithë ndeshjen”.
The post “Real Madrid TV” shpërthen si kurrë më parë: Gjithçka është e neveritshme, të largohemi nga La Liga… appeared first on Telesport.