Policia e Tetovës ka arrestuar para pak çastesh një vajzë, e cila më parë ishte lajmëruar në polici nga e ëma se po kryente ndërmjetësim për prostitucion në banesë, në rrugën e Ilindenit.
Gjatë tentimit për t’u futur në banesë, policia has në derë të mbyllur, me çka është detyruar që ta hapë derën me dhunë. Pas hapjes së derës, brenda banesës janë arrestuar edhe tre të rinj, të cilët dyshohet të kenë qenë klientë.
Gjatë tentimit për ta vënë nën pranga, e reja ka dalë në ballkon dhe ka kërcënuar efektivët e policisë me vetëvrasje, duke u hedhur nga ballkoni, por reagimi i shpejtë i efektivëve ka bërë që të pengohet tentimi për vetëvrasje, gjegjësisht kërcimi nga ballkoni.
Për momentin, aksioni i policisë në ndërtesën në rrugën e Ilindenit po vazhdon me bastisje, nën dyshimin për prostitucion edhe në disa banesa të tjera të këtij pallati. Më tepër informacione do të raportohen gjatë ditës së nesërme nga SPB Tetovë./Alsat.mk.
The post Aksion policor në Tetovë, arrestohen disa persona nën dyshimin për prostitucion appeared first on Alsat.