Përfaqësuesja e Zvicrës ka shënuar fitore bindëse 3:0 ndaj Maqedonisë së Veriut. Ndeshja e zhvilluar të shtunën mbrëma i takoi Grupit B1 të Ligës së Kombeve.
Zvicra ndaj Maqedonisë së Veriut u paraqit pa kapitenin Granit Xhaka. Remo Freuler realizoi për 1:0 në minutën e 22-të. Për 2:0 realizoi sulmuesi Zeki Amdouni në minutën e 41-të. Amdouni e shënoi edhe golin e tretë në minutën e 74-t.