Bordo ka konfirmuar se fondi investues „Park Bench“ ka rënë dakord ta blejë klubin për shumën simbolike prej 1 euroje nga Gerard Lopez. Marrëveshja do t’i mundësojë Bordos të shmangë likuidimin, përcjell TV21. Në fillim të shtatorit 2026, klubi, i cili në sezonet e fundit luajti në divizionet më të ulëta, u përjashtua nga ligat kombëtare. Rikthimi në Regional 1 dukej i pamundur, pasi klubi po përballej me vështirësi financiare për t’u rimëkëmbur. Disa marrëveshje me blerës të mundshëm ishin pranë finalizimit, por dështuan.
„Park Bench“ e finalizoi blerjen, duke marrë përsipër borxhet e konsiderueshme të klubit. Në rrjetet sociale, Bordo e cilësoi marrëveshjen si një “hap të rëndësishëm” për të ardhmen e klubit. Bordo i kaloi dy sezonet e fundit në divizionin e katërt të Francës. Në vitin 2024, klubi u rrëzua nga liga për shkak të problemeve financiare. Në sezonin 2026/27, ishte paraparë të luante në divizionin e gjashtë. Klubi ka fituar gjashtë tituj kampion të Francës. Triumfi i fundit në Ligue 1 erdhi në sezonin 2008/09. Ekipi ka fituar gjithashtu katër herë Kupën e Francës.