Spanja është tashmë e pamposhtur në 40 ndeshjet e saj të fundit, duke fituar Euro 2024 dhe Kupën e Botës 2026 gjatë kësaj periudhe. Gjithsesi, trajneri Luis de la Fuente kërkon ende më shumë nga skuadra e tij në formë të shkëlqyer.
Humbja e fundit e Spanjës në një ndeshje zyrtare ishte në mars të vitit 2023, kur u mund 2-0 nga Skocia në një ndeshje kualifikuese për UEFA Euro 2024. Në ndeshjen e fundit, “La Roja” shkatërroi Kroacinë me rezultatin 4-1 pak ditë më parë.
Megjithatë, De la Fuente ka paralajmëruar se nuk ka vend për vetëkënaqësi apo neglizhencë para ndeshjes së ardhshme kundër Çekisë. “Pjesa e parë mund të kishte përfunduar 4-1 ose 5-1 dhe e njëjta gjë ndodhi edhe në pjesën e dytë,” tha De la Fuente.
“Jam perfeksionist. Jam i bindur se gjithmonë mund të përmirësohesh dhe këta lojtarë janë të njëjtë. Hapësira për përmirësim është shumë e madhe. Ata nuk e kanë arritur ende kulmin e tyre dhe është një skuadër shumë e re”, tha trajneri i Spanjës.
Më tej, ai komentoi: “Një ditë dikush do të na mundë dhe ne do të themi të kundërtën. Gjërat mund të përmirësohen, nuk duam të vdesim nga suksesi. Nuk duhet të kalojmë në vetkënaqësi, pasi çdo ndeshje është ndryshe”.
Spanja ka fituar nëntë ndeshje radhazi në të gjitha kompeticionet, duke barazuar serinë e saj më të mirë të mëparshme nën drejtimin e De la Fuente. Ai beson se Lamine Yamal meriton më shumë vlerësim për punën e tij pa top, duke thënë.
“Lamine është i etur për të vazhduar rritjen dhe për t’i treguar botës se çfarë lloj lojtari është. Ai është shumë modest dhe kjo e bën atë edhe më të madh. Topi i artë i detyrohet shumë futbollit spanjoll dhe lojtarët tanë janë më të mirët në botë”, tha De La Fuente.
The post De la Fuente paralajmëron Spanjën : S’ka vend për kënaqësi, një ditë do të humbasim appeared first on Telesport.