Trajneri i Milanit, Ruben Amorim, në një intervistë për DAZN, theksoi mentalitetin fitues të skuadrës: “Duam të fitojmë çdo ndeshje. Ky është objektivi im sa herë nis një javë. Kur zbresim në fushë, kemi përgjegjësinë të fitojmë, por edhe të përpiqemi të luajmë futboll të bukur”.
Për merkaton, portugezi tha se është i kënaqur me punën e klubit: “Që nga dita e parë kam ndier se po bëjmë gjithçka së bashku. Po përpiqemi ta ndihmojmë klubin jo vetëm për të tashmen, por edhe për të ardhmen. Sjellim lojtarë të gatshëm si Ramos, kampion i Europës, por edhe talente si Moreira. Jam vërtet i kënaqur, por duhet të përmirësojmë edhe lojtarët që kemi”.
Sa i përket Gonçalo Ramos, pret që golat e tij të vijnë edhe me fanellën kuqezi: “Një sulmues ka nevojë të shënojë dhe ai do ta bëjë. Po punon fort. Nëse po shënojmë, kjo është edhe falë tij. Duhet të vazhdojë ta ndihmojë skuadrën, golat e tij do të vijnë patjetër”.
Për lidhjen e tij me Milanin: “Që fëmijë e kam ndjekur këtë klub. Në kohën time, Milani ishte skuadra më e fortë në Itali dhe futbolli italian ishte kampionati më i mirë në botë. Jam shumë i lumtur që jam këtu dhe ndiej një përgjegjësi të madhe për ta rikthyer klubin në vendin që meriton”.
The post Amorim: Golat e Ramos do të vijnë, merkatoja për të tashmen dhe të ardhmen e Milanit appeared first on Telesport.