“Ishin dy ndeshje brenda një ndeshjeje. Roma ishte superiore në çdo aspekt, por më pas patëm 20 minuta me një Real të pandalshëm, – deklaroi José Mourinho pas përmbysjes spektakolare në “Olimpico”. – Na befasuan në fillim me Soulé në krah, ku krijuan epërsi numerike dhe ishte e vështirë ta kontrollonim.
Në pjesën e dytë u organizuam më mirë, por pësuam golin e dytë, qesharak. Me rezultatin 3-1, të gjithë mendonin se ndeshja kishte marrë fund, por ata që kishin marrë fund ishin lojtarët e Romës. Është e vështirë të luash me stilin dhe intensitetin e tyre. Reali përfitoi, ndërsa ata nuk patën më kapacitetin fizik dhe taktik për t’iu përgjigjur ndryshimit tonë ofensiv”.
Për Endrick tha: “E kam shpjeguar dje; kur më pyetën nëse Roma mund ta merrte, thashë se ishte e pamundur, sepse e njoh talentin e tij dhe e di çfarë mund të japë”. Në fund, sqaroi se gjestin me gishtin lart e bëri vetëm për të festuar, jo në drejtim të tribunës “Sud”, për respekt.
The post Mourinho: Ishin dy ndeshje në një. Në fund, lojtarët e Romës ishin të vdekur… appeared first on Telesport.