Si dëshiron Leo Messi të mbahet mend nga njerëzit në vitet e ardhshme? Në një intervistë për EFE-n, superylli argjentinas iu përgjigj kësaj pyetjeje: “Dua të mbahem mend si një sportist i madh, i cili gjithmonë ka luftuar për të arritur qëllimet dhe ëndrrat e tij.”
Messi mbushi 39 vjeç në qershor dhe së fundmi i ka dhënë lamtumirën kombëtares argjentinase.
Fundi i karrierës së tij si lojtar po afron, një rrugëtim i përcaktuar, veçanërisht, nga dy ekipe: Argjentina dhe Barcelona. “Është e vështirë të shpjegosh se çfarë do të thotë Barcelona për mua,” shpjegon Messi.
“Kam një dashuri të veçantë si për qytetin, ashtu edhe për klubin. Kemi pasur fatin të fitojmë gjithçka, jo vetëm për atë që kemi arritur, por edhe për mënyrën se si e kemi arritur,” shton ai.
“Gjithashtu, për kënaqësinë e madhe që kemi ndjerë duke luajtur së bashku. Kjo ishte gjëja më e rëndësishme: të shijoje detajet e vogla të jetës së përditshme, seancat stërvitore dhe momentet e mrekullueshme që kemi ndarë,” thotë fenomeni i Inter Miami.
Leo shpjegon më tej: “Ndonjëherë ia dilja të arrija atë që i vija vetes si qëllim, e herë të tjera jo… por nuk kam pushuar kurrë së përpjekuri për të fituar gjithçka që kisha përpara.”
The post Messi: Dua të mbahem mend nga njerëzit si një sportist i madh që luftoi për ëndrrat e tij appeared first on Telesport.