Julián Álvarez më në fund i dha fund thatësirës së tij, duke rifituar nuhatjen për gol me dy realizime brenda një jave. Njëri vendimtar për të siguruar barazimin ndaj Shtutgart në Champions League dhe tjetri rezultoi përcaktues në një ndeshje të vështirë kundër Deportivo, fituar 1-0.
Asgjë nuk i sjell më shumë gëzim një sulmuesi sesa shënimi i golave, por arritja e kësaj qetësie të re shpirtërore ka kërkuar ndryshime të rëndësishme në fushë gjatë katër muajve të fundit. Një Álvarez i rigjallëruar e ka tani për detyrë të udhëheqë Atletico Madrid, pikërisht ashtu siç ka kërkuar Simeone.
I shpallur lojtari më i mirë i ndeshjes (MVP), Alvarez shfrytëzoi rastin për të kërkuar ndjesë publikisht lidhur me polemikat e datës 22 qershor: “Dua t’u kërkoj ndjesë tifozëve tanë për atë që kam thënë gjatë Kupës së Botës”.
“Momenti që zgjodha dhe mënyra se si u shpreha ishin të gabuara. E kuptoj zemërimin e tifozëve. Jam mirënjohës ndaj shokëve të skuadrës dhe mbështetësve që më kanë qëndruar gjithmonë pranë. Tani, thjesht duhet të vazhdoj të punoj fort për të dhënë maksimumin tim“, tha Alvarez.
Sulmuesi argjentinas ka pësuar një transformim rrënjësor. Ai ka evoluar nga ai Julián i zymtë dhe pa energji në një lojtar të rilindur. Tani ai krijon kaos në mbrojtjet kundërshtare, ku lëvizjet e tij të vazhdueshme në zonën sulmuese dhe gjendja fizike në përmirësim të dukshëm e vunë në vështirësi të madhe vijën mbrojtëse kundërshtare.
The post Rikthimi i madh i Julián Alvarez: U kërkoj ndjesë tifozëve të Atletico për komentet e mia gjatë verës appeared first on Telesport.