Erdhi momenti, derbi i Madoninës është fare pranë. Të gjithë sytë e futbollit italian do të jenë në “San Siro”, të mbushur plot e përplot, për të parë nëse Interi do të dëshmojë sërish forcën e tij apo Milani do të japë një sinjal të fortë pas luhatjeve në fillim të sezonit.
Chivu nuk ndryshon, do të luajë sipas parimeve të tij. Cilat janë ato? Parimet që kanë karakterizuar Interin që nga sezoni i kaluar dhe që e çuan drejt titullit kampion. Formacioni bazë 3-5-2, presioni i lartë për të rikuperuar topin në gjysmën e fushës kundërshtare, si dhe ndërtimi i aksioneve sulmuese, me dy lojtarët e krahëve që ngjiten deri në vijën e sulmuesve dhe mesfushorët që mbështesin aksionin nga pas.
Mbrojtja mban vijë të avancuar dhe pranon duelet një kundër një, edhe në hapësira të mëdha. Këto parime mbeten të vlefshme edhe pa lojtarë të rëndësishëm si Lautaro, Stones dhe Pavard.
Pse Pulisic mund të jetë çelësi? Ndërkohë, kapiteni amerikan ka rigjetur instinktin e tij të dikurshëm para portës. Dhe kjo nuk është pak. Pulisic mund të bëhet vendimtar në faza të caktuara të lojës, veçanërisht nëse arrin të gjejë hapësirën e duhur.
Kur Interi ndërton aksionet, i ngjit lojtarët e krahëve deri në vijën e sulmuesve dhe afron dy mesfushorët e brendshëm për të mbështetur sulmin. Pikërisht këtu Milani mund të bëjë diferencën.
Pas rikuperimit të topit, Modrić, ose një lojtar tjetër në vend të tij, mund të nisë kundërsulmin me pasime të shpejta vertikale, drejtpërdrejt drejt sulmuesve.
Në këtë situatë, Pulisic mund të gjejë mundësinë për të goditur Interin. Dy mbrojtësit anësorë të qendrës në skemën zikaltër, gjatë tërheqjes drejt prapavijës, do të duhet të markojnë dy sulmuesit e krahëve të Milanit, ndërsa mbrojtësi qendror do të merret me Gonçalo Ramos.
Në këto kushte, Pulisic mund të gjejë hapësira të lira në zonën e trekëndëshit sulmues, aty ku mund të shpalosë cilësitë teknike dhe fantazinë e tij dhe, rrjedhimisht, t’i shkaktojë dëme Interit.
Si funksionon skema taktike? Gjatë sulmit, lojtarët e krahëve të Interit ngjiten deri në vijën e sulmuesve. Milani rikuperon topin dhe Modrić e dërgon vertikalisht përpara, duke anashkaluar mesfushën e Interit.
Interi tërhiqet në mbrojtje dhe dy mbrojtësit anësorë të qendrës marrin në markim dy sulmuesit e krahëve të Milanit. Mbrojtësi qendror përqendrohet te Gonçalo Ramos. Pulisic gjen hapësirën për të bërë diferencën.
The post Çelësi taktik; pse Pulisic mund të jetë arma vendimtare e Milanit në derbin ndaj Interit appeared first on Telesport.