Në konferencën e tij të parë për shtyp para ndeshjeve të fundit në grup për Ligën e Kombeve, trajneri i Holandës, Xavi Hernandez nuk i kurseu lëvdatat për Frenkie de Jong, të cilin e konsideron si një nga futbollistët më të kompletuar në skenën ndërkombëtare. Sipas spanjollit, vlera e De Jong shpeshherë mbetet e pavlerësuar sa duhet.
“De Jong nuk vlerësohet sa duhet, por jo nga trajnerët. Nëse i pyesni ata, do t’ju thonë se ai është më i miri, pasi e shohin atë përditë. Ai zotëron gjithçka që duhet për të dhënë një performancë të shkëlqyer, dhe për më tepër, është një lider i vërtetë në fushën e lojës”, tha Xavi.
Xavi foli gjithashtu për mundësinë që De Jong të luajë në mesfushë përkrah Joey Veerman (i cili luan për PSV Eindhoven-in).
Ai nuk ka asnjë dyshim se të dy mund të luajnë së bashku, duke u mbështetur në përvojën e tij si lojtar për të shpjeguar se pse futbollistët e nivelit të lartë gjejnë gjithmonë mënyrën për t’u përshtatur me njëri-tjetrin në fushë.
The post Xavi Hernandez e thotë publikisht: Ky lojtar i Barcelonës nuk vlerësohet sa duhet appeared first on Telesport.